بكيت ودمعتي سالت على خدي تواســـيني

ثلاث سنين في ثنتين ،سته والهدف لا زال

مشى في مبدئه ثمّن وقف في مفرق اسنيني

هموم المسلمه أكبر من الموضه من التجواال

هموم المسلمه قطره نداها حيــل تحييني





سعيت لحفظه بقلبي ، كتاب الله دون إهمال

وقفت بأوسطه لمّن ظروفي جات تعصيني

ألا يا رحمة الله ودّي أشرب قطرة الهمّال

مزون(ن)تروي أوقات اليباس اللي سرت فيني

رسمت الحلم وأوليته زمام القلب والآمال

قهرت إبليس يوم إني طردته من بساتيني





على قدر الهمم جات المصايب والصبر حمّال

وعلى عـــظم البلايا ينزل الله مــا يداويني

خذيت من النمل عزمه وضرب الصبر فالأمثال

لبست العزم دون اليأس ما ساومت في ديني

ألا يا حافظ القرآن حذاري دورة الأحوال

ترى أصعب بليّه من فتن في جملة الديني

حذاري يجذبك عصر الفتن وتميل مع من مال

ترى حمد الإله أوجب عليـــك من المــلاييني






أنا صار لي اسنين من بعد الوقوف أشتال

همومي والألم يقطع وجودي ثم يرميني

وألا يا رب عفوك بنشدك من صالح الأعمال

وتمام الحفظ والتطبيق بالشدة مــع الليني

ومثل ما تطبع أقدام الفتى لا حسحست برمال

أبي بعد الممات اليــا ذكرت الطيب يبقيني






فقيره إي نعم بالله مدام الموت له منزال

أبنشدك الرضا يا رب قبل الموت يآتيني

هموم المسلمه أكبر من الموضه من التجوال

هموم المسلمه قطره نداها حيل يحييني